समीप निरौलाको “न्याय दिलाइदे” म्युजिक भिडियो सार्वजनिक
वि.सं.२०७९ पुस २२ शुक्रवार
काठमाडौं । कलाकार तथा मोडेल समीप निरौलाको अभिनय रहेको “न्याय दिलाइदे” गीतको म्युजिक भिडियो सार्वजनिक भएको छ ।
नेपाली समाजमा बेसाहारा बनेका नारीहरु यौन व्यापारमा फस्न बाध्य भैरहेका क्रियाकलाप भिडियोमार्फत प्रस्तुत गरिएको छ। म्युजिक भिडियोमा समिपलाई बेनिशा हमालले साथ दिएकी छिन् ।
उक्त गीतमा प्रमोद खरेलको स्वर रहेको छ भने म्युजिक भिडिओलाई मुस्कान ढकालले निर्देशन गरेका हुन । उत्सव दाहालले छायांकन गरेको म्युजिक भिडिओलाई नवीन निरौलाले सम्पादन गरेका छन्।
“ लाज किन बाबा ” भन्ने शब्दबाट समाजिक सञ्जालमा चर्चा पाएको समीप निरौला मोडलिङमा सक्रिय रहेको छन् ।
प्रकाशित समय : ०६:१३ बजे
