काठमाडौं । राष्ट्रियसभाबाट विनियोजन विधेयक बजेट आज पारित भएको छ । आज बिहीबार बसेको राष्ट्रियसभाको बैठकले विनियोजन विधेयक पारित गरेको हो ।

बजेट पारित भए लगतै राष्ट्रियसभाले आजै सन्देशसहित प्रतिनिधिसभामा पठाउने भएको छ । आजै बस्ने प्रतिनिधिसभाको बैठकले विनियोजन विधेयकलाई ग्रहण गरी सभामुखले प्रमाणित गरेर प्रमाणीकरणका लागि राष्ट्रपति सामु पठाउने संसद सचिवालयको तयारी रहेको छ । विनियोजन विधेयक पारित भई प्रमाणीकरण भएमा सरकारलाई आजैबाट खर्च गर्न सक्ने बाटो खुल्नेछ ।