काठमाडौं । असोज १४ गते
शेयर बजारमा अपेक्षाकृत वृद्धि हुन नसकेपछि कारोबार रकम पनि खुम्चिएको छ । आज शेयर बजारमा गिरावट आएको छ । बुधबारमात्र शेयर बजार उकालो लागेको थियो ।आज बजार मापक परिसूचक नेप्से ३२.५१ अंकले घटेर २६३३.४२ को बिन्दुमा पुगेको छ ।

यस्तै सेन्सेटिभ परिसूचक पनि ६।४१ अंकले घटेर ४९७.०५ को बिन्दुमा झरेको छ ।आज १ बजेसम्म हरियाली देखिएको बजार त्यसपछि भने घटेर राताम्य भएको थियो ।यसदिन १३ वटा उपसमूहमध्ये ३ वटा उपसमूहमा मात्र हरियाली आएको छ । ट्रेडिङ, अन्य र म्युचुअल फण्डमामात्र वृद्धि हुँदा अन्य १० वटा उपसमूहमा गिरावट आएको हो ।