काठमान्डौं, २५ असोज । इजरायल– हमास युद्ध जारी रहेको छ । यसै बिचमा इजरायली प्रधानमन्त्री बेन्जामिन नेतन्याहुले बुधबार एक विज्ञप्तिमार्फत हमास लडाकुहरूलाई समाप्त गर्न आह्वान गरेका छन् । उनले भने, ‘प्यालेस्टिनी आतंकवादी समूहका सबै आतंककारीहरूको मृत्यु निश्चित छ।’

गत शनिबार हमासले इजरायलमा अचानक आक्रमण गरेपछि पहिलो पटक नेतान्याहुले हमासलाई समाप्त गर्ने कुरा गरेका हुन । उनले भने, ‘हमास दाएस ९इस्लामिक स्टेट समूह० जस्तै हो, जसरी विश्वले दाएसलाई नष्ट गर्यो, हामी तिनीहरूलाई नष्ट गर्नेछौं।’इजरायलका रक्षामन्त्री योभ गालान्टले भने,  ‘हामी हमासलाई पृथ्वीबाट मेटाउने छौँ ।’

उता, नेतान्याहुले आफ्नो राजनीतिक मतभेदलाई अस्थायी रूपमा पन्छाएर युद्धको बीचमा विपक्षीहरूलाई सरकारमा समावेश गरेका छन्। यस नयाँ आपतकालीन सरकारमा पूर्व रक्षामन्त्री बेनी गान्ट्जलाई पनि समावेश गरिएको छ । संयुक्त राष्ट्रसंघको तथ्यांकअनुसार इजरायलले गाजामा गरेको आक्रमणपछि अहिलेसम्म ३ लाख ३८ हजार मानिस विस्थापित भएका छन् । बीबीसीका अनुसार इजरायलले हमासको कब्जामा रहेको गाजा पट्टी क्षेत्रमा करिब ३ लाख रिजर्भ फोर्स तैनाथ गरेको छ ।