काठमाडौं । असोज ६ गते
चुनावपछि माधव नेपालको अस्तित्व समाप्त हुने प्रमुख प्रतिपक्षी दल नेकपा (एमाले) का प्रभावशाली नेता तथा पूर्वमन्त्री गोकुल बाँस्कोटाले दाबी गर्नु भएको छ । त्यस्तै उहाँले नेकपा एमालेका सांसद सभामुख अग्निप्रसाद सापकोटा नेकपा माओवादी केन्द्रका अध्यक्ष पुष्पकमल दाहाल प्रचण्डको इशारामा चलेको आरोप समेत लगाउनु भएको छ ।

पोखरामा आयोजित एक कार्यक्रममा बोल्दै उहाँले प्रचण्डकै इशारामा सभामुखले एमालेले गरेको १४ सांसदको कारबाहीलाई मान्यता नदिएको बताउनु भएको छ । उहाँले हुँदै नभएको प्रचण्ड धारा प्रयोग गरेर कारबाही गर्न नमिल्ने जिबिर गर्नु भएको छ ।

सभामुख सापकोटा आफ्नो मर्यादामा नबसेका कारण आफूहरुले संसद अवरुद्ध गरिरहेको उहाँको भनाई छ । सभामुखले जनता समाजवादी पार्टीले सांसद सरिता गिरीलाई कारबाही गर्दा एकै घण्टामा र माओवादी केन्द्रले टोपबहादुर रायमाझी लगायत ४ सांसदलाई कारबाही गर्दा ४८ घण्टाभित्र सूचना जारी गरेको बास्कोटाको भनाई छ । नेता बास्कोटाले सभामुखले आफ्नो निर्णय सच्याउनुपर्ने नभए पद छाड्नुपर्ने बताउनु भएको छ ।