आज नेकपा माओवादी केन्द्रको स्थायी समिति बैठक बस्दै
वि.सं.२०७८ असोज १३ बुधवार
काठमाडौं । असोज १३ गते
आज नेकपा माओवादी केन्द्रको स्थायी समिति बैठक बस्दैछ । आजको बैठकले मन्त्रीको नाम तय गर्ने भएको छ । बैठकले मन्त्रीको नाम तय गरेर प्रधानमन्त्री शेरबहादुर देउवालाई बुझाउन माओवादीका अध्यक्ष पुष्पकमल दाहाल छलफलमा जुटेका छन् ।
माओवादीबाट यसअघि जनार्दन शर्मा अर्थ मन्त्री र पम्फा भुसाल उर्जा मन्त्री छन् ।माओवादीले अब पाँच मन्त्रालय पाउनेछ ।
जसमा हरिबोल गजुरेल, देवेन्द्र पौडेल, सुरेशकुमार राई, सुदन किराती, मातृका यादव, अमनलाल मोदी, शिवकुमार मण्डल, शशी श्रेष्ठ र जयपुरी घर्ती मध्यबाट मन्त्री बनाउने गरी दाहालले आन्तरिक छलफल गरिरहेको दाहाल निकट एक नेताले जानकारी दिए । ति नेताका अनुसार माओवादी नेता नारायणकाजी श्रेष्ठ मन्त्री बन्ने सूचीबाट हटेका छन् ।
प्रकाशित समय : ०३:३६ बजे
