पाल्पामा बस दुर्घटना हुँदा १ जनाको मृत्यु , १८ जना घाइते

वि.सं.२०८० वैशाख १० आइतवार

काठमान्डौ । पाल्पाको जोरधारामा बस दुर्घटना हुँदा १ महिलाको मृत्यु भएको छ भने उक्त बसमा सवार १८ जना घाइते भएका छन् ।
बुटवलबाट पाल्पा हुँदै बाग्लुङ जाँदै गरेको लु १ ख ६९५६ नम्बरको बस तिनाउ गाउँपालिका ५ जोरधारामा सडकबाट करिब २ सय मिटर तल खसेर दुर्घटना भएको हो । जिल्ला प्रहरी कार्यालय पाल्पाका सूचना अधिकारी वीरेन्द्र थापाका अनुसार दुर्घटनामा घाइते भएकाहरुलाई प्रभासस्थित लुम्बिनी मेडिकल कजेलमा उपचारका लागि पठाइएको छ । उक्त घटनामा मृत्यु हुने महिलाको परिचय खुल्न नसकेको पनि प्रहरीले जनाएको छ ।
प्रकाशित समय : ०५:५८ बजे