काठमाडौं – धनुषामा दुई जंगली हात्ती गाउँमा प्रवेश गरेर उत्पात मच्याएको छ ।
धनुषाको बटेश्वर गाउँपालिकामा देखापरेको दुई जंगली हात्ती मध्ये एउटालाई जंगल तिर धपाइएको छ ।
प्रहरी, वन रक्षक र स्थानीयबासीहरु मिलेर मिथिला नगरपालिका ५ मा पर्ने औरही बाबा सामुदायिक वन हुँदै राष्ट्रिय वनतर्फ सो हात्तीलाई धपाइएको हो ।

भनुषाको ढल्केवरमा प्रवेश गरेका जङ्गली हात्तीले मानवीय तथा भौतिक क्षति नपु¥याएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले बताए । ढल्केवरको पश्चिम चौक नजिक देखिएपछि स्थानीयबासी र वन कर्मचारीको सहयोगमा नयाँ टोल, केमलीपुर, औरही खोला हुँदै वनतर्फ धपाइएको प्रनि सुवेदीले जानकारी दिए ।

स्थानीय इन्द्र महतोको गोठमा आक्रमण गरी एउटा पाडोलाइ किचेर घाइते बनाएको इलाका प्रहरी कार्यालय महेन्द्रनगरका प्रहरी निरीक्षक तिलक सुनारले जानकारी दिए । यस्तै बटेश्वर वडा नं। ३ मा एउटा मोटरसाइकलमा तोडफोड गरेको छ । विगत केही दिनदेखि बारा, रौतहट, सर्लाही, महोत्तरी र धनुषाको बस्तीमा प्रवेश गरेर हात्तीले उत्पात मच्याउँदै आएको छ ।