निर्वाचन प्रणालीमा सुधार हुनुपर्ने धारणा राष्ट्रिय प्रजातन्त्र पार्टीका अध्यक्ष कमल थापाको भनाई

वि.सं.२०७८ भदौ २० आइतवार

काठमाडौं । भदौं २० गते
निर्वाचन प्रणालीमा सुधार हुनुपर्ने धारणा राष्ट्रिय प्रजातन्त्र पार्टीका अध्यक्ष कमल थापाको भनाई छ । उहाँले अहिलेको खर्चिलो निर्वाचन प्रणालीले राजनीतिलाई भ्रष्टाचार तर्फ उन्मुख गराउने बताउनु भएको छ ।
मकवानपुर क्षेत्र नम्बर २ प्रदेश ख पार्टी कार्यालयको मनहरीमा उद्घाटन गर्दै अध्यक्ष कमल थापा अहिलेको शासन प्रणाली मुलुकको लागि अनावश्यक बोझ भएको समेत बताउनु भएको छ । उहाँले धर्मनिरपेक्षता र संघीयता खारेज हुनुपर्ने धारणा समेत राख्नु भएको छ ।
अध्यक्ष थापाले करोडौं खर्च गरेर चुनाव जित्नेहरुको ध्याउन्न कमाउने तर्फ केन्द्रित हुने भन्दै राजनीतिलाई कमाई खाने माध्यम बनाउन दिन नहुने तर्फ मतदाता सजग हुनुपर्ने बताउनु भएको छ ।
प्रकाशित समय : ०३:२७ बजे