ठाउँठाउँमा पहिरो जाँदा नागढुङ्गा–नौबिसे सडक खण्डको यात्रा कष्टकर
वि.सं.२०७८ भदौ २० आइतवार
काठमाडौं । भदौं २० गते
हाल नेपालमा पुन,मनसुन सक्रिय भएको छ । केही दिनदेखि निरन्तर परेको बर्षाका कारण ठाउँठाउँमा पहिरो जाँदा नागढुङ्गा–नौबिसे सडक खण्डको यात्रा कष्टकर बन्न थालेको छ ।बर्खा लागेसँगै ठाउँठाउँमा पहिरो जाँदा सडक खण्ड अस्तव्यस्त बनेको छ ।
सामान्य पानी पर्दा समेत पहिरो झरेर सडक बन्द हुने गरेको छ । पहिरो पन्छाएर सडक खुलाए पनि हेभी र ठूला गाडीको धेरै ओहोरदोहोर हुने भएकाले जाम हुने गरेको छ ।
सिस्ने खोला, झ्याप्ले खोला र चिसापानी क्षेत्रमा सबैभन्दा धेरै समस्या रहेको प्रहरीले जनाएको छ । पानी पर्दा पहिरो र हिलोले समस्या हुने गरेको यो सडक खण्डमा घाम लाग्दा धुलोले गाडी चलाउन मुस्किल हुने गरेको छ ।
प्रकाशित समय : ०५:५३ बजे
