काठमाडौं । असोज ३ गते
सोमबार अफगानिस्तानको राजधानी काबुलबाट उद्धार हुन बाँकी ३४ जना नेपाली स्वदेश फर्किंदै छन् । इरानियन महान एयरको उडानबाट उनीहरू आउने तय भएको हो । काबुलस्थित संयुक्त राष्ट्रसंघीय कार्यालयको सुरक्षाप्रदायक कम्पनी आइडिजीले व्यवस्था गरेको हो ।

काबुलबाट ३४ जना नेपाली आएपछि नेपालीको उद्धार मिसन सम्पन्न हुनेछ । राष्ट्रसंघीय कार्यालयमा कार्यरत करिब सय नेपाली सुरक्षाकर्मी र केही भारतीय सुरक्षाकर्मीलाई ल्याउने चार्टर विमानमा ३४ जना नेपाली स्वदेश फर्किनेछन् ।