काठमाडौं । असोज ६ गते
वर्तमान सत्ता गठबन्धनलाई चुनावपछि पनि निरन्तरता दिने सोच रहेको नेकपा एकीकृत समाजवादीका अध्यक्ष माधवकुमार नेपालले बताउनु भएको छ ।

पूर्वपरराष्ट्रमन्त्री सहाना प्रधानको सातौं स्मृतिमा आयोजित भर्चुअल कार्यक्रमलाई सम्बोधन गर्दै नेपालले आगामी चुनावपछि पनि वाम–लोकतान्त्रिक गठबन्धनलाई अगाडि बढाउने सोच रहेको बताउनु भएको छ । पूर्वप्रधानमन्त्री नेपालले पाँच दल मिलेर वाम–लोकतान्त्रिक गठबन्धन बनाएको र सरकार आगामी चुनावसम्म सहकार्यका साथ अगाडि बढ्ने बताउनु भएको छ ।

नेता नेपालले वर्तमान सरकारमा छिट्टै सहभागी हुने र प्रदेश एक र बागमती प्रदेशमा सरकार बनाउने पनि दोहोर्‍याउनु भएको छ ।