कांग्रेसले बोलायो केन्द्रीय कार्यसम्पादन समितिको बैठक, यि विषयमा हुँदैछ छलफल
वि.सं.२०७९ चैत १३ सोमवार
काठमाडौं, चैत १३ गते । नेपाली कांग्रेसले केन्द्रीय कार्यसम्पादन समितिको बैठक बोलाएको छ । सरकारमा सहभागी हुने तयारीमा रहेको कांग्रेसले चैत १४ गते बिहान ९ बजेका लागि पार्टी केन्द्रीय कार्यालय सानेपामा बैठक बोलाएको छ । बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई उपस्थित हुन भनिएको छ ।
बैठकमा सरकारमा सहभागिता लगायतका विषयमा छलफल हुने नेपाली कांग्रेसले जनाएको छ । सरकारमा मन्त्रीको रुपमा सहभागी हुने नेताहरुको नाम कांग्रेसले लगभग टुंगो लगाइसकेको छ । केन्द्रीय कार्यसम्पादन समितिको बैठकले त्यसलाई औपचारिकता दिने बताइएको छ ।
प्रकाशित समय : ०३:२२ बजे
