काठमाडौं, चैत १९ गते । शुक्रबार र शनिबार गरेर अमेरिकाका विभिन्न स्थानमा शक्तिशाली टोर्नाडोका कारण २२ जनाको मृत्यु भएको छ ।सीएनएनका अनुसार टेनिसीमा सात, अर्कान्ससमा पाँच, इलिनोइमा चार तथा इन्डियाना, अलाबामा र मिस्सिसिपीमा गरेर दुई दिनमा २२ जनाको मृत्यु भएको हो ।

अमेरिकाका सात राज्यहरुमा शनिबार ५० वटा टोर्नाडोले आतंक मच्चाएको बताइएको छ । अर्कान्ससमा मात्र टोर्नाडोले घरहरु उडाउँदा ५० जना घाइते भएका थिए ।पछिल्लो टोर्नाडो अगाडि मात्र पनि अमेरिकाको दक्षिणपूर्वी राज्यहरुमा टोर्नाडोकै कारण २६ जनाले ज्यान गुमाएका थिए ।