राजनीतिलाई समाजसेवामा बदल्ने अठोटका साथ राजनीतिमा प्रवेश गरेको हुँ–रमेश खरेल
वि.सं.२०७९ चैत २६ आइतवार
काठमाडौं, चैत २६ गते । बारा २ को उपनिर्वाचनमा राष्ट्रिय स्वतन्त्र पार्टी (रास्वपा) को तर्फबाट उम्मेदवार रहेका रमेश खरेलले बाराका समुदाय साम्प्रदायिकतामा विश्वास नगर्ने बताएका छन् । आज बारामा आयोजित पत्रकार सम्मेलनलाई सम्बोधन गर्दै उनले बाराका यादव समुदायकै मत पाएर आफू निर्वाचित हुने दाबी उनले गरेका हुन ।
राजनीतिलाई समाजसेवामा बदल्ने अठोटका साथ राजनीतिमा प्रवेश गरेको उनको भनाई छ । उनले आफू निर्वाचित भएपछि रास्वपाका कार्यकर्तालाई पनि बारा २ को जनसेवामा परिचालन गर्ने बताएका छन् । निर्वाचित भएपछि आफ्नो सम्पर्क कार्यालय बारा २ नै राख्ने उनले प्रतिबद्धता जनाएका छन् ।
प्रकाशित समय : ०५:०९ बजे
