माओवादी केन्द्रिय समिति बैठक आज पनि जारी
वि.सं.२०८० साउन २० शनिवार
काठमाडौं, २० साउन । नेकपा (माओवादी केन्द्र) को केन्द्रिय समिति बैठक आज पनि जारी रहने छ । गत बुधवारदेखि सुरु भएको केन्द्रिय समिति बैठकमा हालसम्म झन्डै १ सय ४१ जना नेताले आ आफनो धारणा राखिसकेका छन् ।
मंसिरमा गर्ने भनिएको विधान सम्मेलन, समसामयिक राजनीतिक बिषय, पार्टी नेतृत्वको सरकारले गरेका काम कारबाहीका बारेमा मुख्य गरी बैठकमा छलफल भइरहेका छन् ।
बैठकमा ३८५ जना केन्द्रीय समिति सदस्य, १९८ जना वैकल्पिक सदस्य, केन्द्रीय आयोगका ७५ जना र प्रदेश पदाधिकारीबाट १०० जना गरी जम्मा ७५८ सहभागी भइरहेको माओवादी केन्द्रिय कार्यालयले जनाएको छ ।
प्रकाशित समय : ०३:५४ बजे
