काठमाडौं। भदौ १५ गते
आसन्न १४ औं महाधिवेशनमा आफूले महामन्त्रीमा उम्मेदवारी दिने नेपाली कांग्रेसका नेता गगन थापाले घोषणा गर्नु भएको छ । काठमाडौंको आफ्नो निर्वाचन क्षेत्रमा आयोजित एक कार्यक्रमकाबीच थापाले आफ्नो उम्मेदवारी घोषणा गर्नु भएको हो।

नेपाली कांग्रेसले मंसिर ९–१३ मा १४ औं महाधिवेशन गर्ने मिती तय गरेको छ ।यस अघिको १३ औं महाधिवेशनमा पनि थापाले महामन्त्री उम्मेदवार दिएका थिए । तत्कालिन समयमा कृष्णप्रसाद सिटौलाको खेमाबाट उनी उठेर पराजित भएका थिए ।