यसपाली मतदाताको मन र मत दुवै फेरिएको छ – स्वर्णिम वाग्ले
वि.सं.२०८० वैशाख १० आइतवार
काठमाडौं, बैशाख १० गते । यसपाली मतदाताको मन र मत दुवै फेरिएको राष्ट्रिय स्वतन्त्र पार्टी (रास्वपा) का उम्मेदवार डा.स्वर्णिम वाग्लेले बताएका छन् । रास्वपाका तर्फबाट तनहुँ क्षेत्र नम्बर १ का उम्मेदवार वाग्लेले उपनिर्वाचनको मदतानस्थलबाटै यस्तो बताएका हुन् ।
वाग्लेले यसपालीको तनहुँ विगतको जस्तो नभएको दाबी गर्दै मतदाताको परपम्परागत मन र मत दुवै फेरिएको पाएको बताएका हुन् । ‘मतदान स्थलमा मतदाताहरुको उत्साह रास्वपाप्रति सकारात्मक छ । परम्परागत मतहरुलाई र विचारहरुलाई परिवर्तन गराएको मैले पाएको छु ।’, उनले भने, ‘सूचना प्रविधिको पहुँचले ५०–६० नाघेकाहरुको पनि मन र मत दुवै फेरिनेवाला छ यसपालि ।’
गत मंसिर ४ को निर्वाचनमा विजयी नेपाली कांग्रेसका उम्मेदवार रामचन्द्र पौडेल राष्ट्रपति बनेपछि रिक्त सांसद पदपूर्तिका लागि आज उपनिर्वाचन गरिएको हो । उपनिर्वाचनमा रास्वपाका डा. वाग्लेसँगै नेपाली कांग्रेसका गोविन्द भट्टराई, नेकपा एमालेका सर्वेन्द्र खनाललगायतका उम्मेदवार चुनावी मैदानमा छन्
प्रकाशित समय : ०३:५१ बजे
